Evangelio djadumingu

 

Kapitulo 1 di Marko

I nan a yega na Kapernaum; i mesora riba dia di Sabat El a bai den snoa i a kuminsá siña e hendenan.
22.I nan a keda asombrá di Su siñansa, pasobra E tabata siña nan manera un hende ku tin outoridat i no manera e eskribanan.
23.I nèt na e ora ei tabatin den nan snoa un hòmber ku un spiritu impuru, i el a dal un gritu,
24.bisando: "Kiko nos tin di hasi ku Bo, Jesus di Nazarèt? Bo a bin pa destruí nos? Mi sa ken Bo ta: Esun Santu di Dios!"
25.I Jesus a reprend'é, bisando: "Keda ketu, i sali for di djé!"
26.I e spiritu impuru a bent'é abou i a lagu'é ta trèk di steipi, i ku gritu duru el a sali for di djé.
27.I nan tur a keda strañá i nan tabata diskutí nan ku nan, bisando: "Kiko esaki ta? Un siñansa nobo ku outoridat! Asta e spiritunan impuru E ta ordená, i nan ta obedes'E."
28.I mesora e notisia tokante di djE a plama tur kaminda den henter e distrikto rònt di Galilea.

Comentarios

Publicar un comentario

Entradas populares de este blog

Orashonan

  Kredo Mi ta kere den Dios tata todopoderoso, Kreador di shelu i di tera. I den Hesu-Kristu, su Úniko Yu, Nos Señor, ku a konsebí di Spiritu Santu, a nase di Maria Bírgen i a padesé bou di Ponsio Pilato. Nan a krusifik’É, i el a muri i nan a der’É. El a baha den reino di morto. E di tres dia, El a resusitá. El a subi na shelu i ta sintá na man drechi di Dios Tata todopoderoso. Djei l’E bini pa husga bibu i morto. Mi ta kere den Spiritu Santu, Iglesia santu i katóliko, Komunion di Santu, pordon di piká, resurekshon di karni i bida eterno. Amèn Nos Tata Nos Tata ku ta na Shelu, Bo nòmber sea santifiká, laga bo Reino bini na nos, Bo boluntat sea hasí na tera komo na Shelu. Duna nos awe nos pan di kada dia i pordoná nos nos debe, meskos ku nos ta pordoná nos debedornan i no laga nos kai den tentashon ma libra nos di tur malu. Amèn Ave Maria Mi ta kumindá bo Maria yen di grasia Señor ta ku bo. Bo ta bendishoná denter di muhénan i fruta di bo barika Hesus ta bendishoná. Santa Maria Mama...
Leer más

Kreashon

Imagen
  HUISWERK: KREASHON ___________________________________________________________________ GENESIS 1. Na prinsipio Dios a krea e shelunan i tera. 2. I tera tabata sin forma i bashí i tabatin skuridat riba superfisio di e abismo. I e Spiritu di Dios tabata move riba superfisio di e awanan. 3. E ora ei Dios a bisa: "Laga tin lus." I tabatin lus. 4. I Dios a mira ku e lus tabata bon, i Dios a separá e lus for di e skuridat. 5. I Dios a yama e lus Dia i e skuridat El a yama Nochi. I tabata atardi i tabata mainta: e promé dia. 6. E ora ei Dios a bisa: "Laga tin un firmamentu meimei di e awanan, i laga esei separá e awanan for di e awanan." 7. I Dios a traha e firmamentu, i a separá e awanan ku tabatin bou di e firmamentu for di e awanan ku tabatin ariba di e firmamentu; i asina tabata. 8. I Dios a yama e firmamentu Shelu. I tabata atardi i tabata mainta: e di dos dia. 9. E ora ei Dios a bisa: "Laga e awanan ku tin bou di e shelunan bin huntu na ún lugá i laga tera sek...
Leer más