Orashonan

 Kredo

Mi ta kere den Dios tata todopoderoso,

Kreador di shelu i di tera.

I den Hesu-Kristu, su Úniko Yu, Nos Señor,

ku a konsebí di Spiritu Santu,

a nase di Maria Bírgen

i a padesé bou di Ponsio Pilato.

Nan a krusifik’É, i el a muri i nan a der’É.

El a baha den reino di morto.

E di tres dia, El a resusitá.

El a subi na shelu

i ta sintá na man drechi di Dios Tata todopoderoso.

Djei l’E bini pa husga bibu i morto.

Mi ta kere den Spiritu Santu,

Iglesia santu i katóliko,

Komunion di Santu, pordon di piká,

resurekshon di karni i bida eterno. Amèn

Nos Tata

Nos Tata ku ta na Shelu,

Bo nòmber sea santifiká,

laga bo Reino bini na nos,

Bo boluntat sea hasí

na tera komo na Shelu.

Duna nos awe nos pan di kada dia

i pordoná nos nos debe,

meskos ku nos ta pordoná nos debedornan

i no laga nos kai den tentashon

ma libra nos di tur malu.

Amèn

Ave Maria

Mi ta kumindá bo Maria yen di grasia

Señor ta ku bo. Bo ta bendishoná denter di

muhénan i fruta di bo barika Hesus ta

bendishoná.

Santa Maria Mama di Dios, pidi pa nos

pekadó awor i na ora di nos morto.

Amèn

Gloria

Gloria na Tata, na Yu i na Spiritu Santu,

manera tabata na kuminsamentu awor i

semper den tur siglo di siglonan.

Amèn

Salve Regina

Nos ta kuminda Bo, Reina, Mama di miserikòrdia. Nos bida, dulsura i speransa, nos ta kuminda Bo.

Nos ta sklama na Bo, nos yunan desterá di Eva. Nos ta suspirá na Bo, ku keho i yoramentu den e dal di

lágrima aki. Ban anto, nos Abogada, bira bo wowo tan miserikordioso pa nos.

I despues di e destiero aki, mustra nos Hesus, Fruta bendishoná di bo barika.

O klementisima, o piadosa, o dushi Bírgen Maria!

Pidi pa nos, Santa Mama di Dios pa nos bira digno di primintimentu di Hesukristu. Amèn.

Akto di kontrishon

Dios di miserikòrdia

Mi tin duele ku mi a hasi piká, pasobra

mi a meresé bo kastigu i mas tantu

pasobra mi a ofendé Bo, Ku ta mi

Bienhechor di mas grandi i bondat mes.

Mi ta detestá tur piká i mi ta primintí,

ku yudansa di bo grasia,

di drecha mi bida

i di no hasi piká nunka mas.

Señor, tene miserikòrdia di mi pober

pekadó.

Amèn

Akto Penitensial

Mi ta Konfesá 

na Dios todopoderoso i dilanti di

tur aki presente, ku mi a peka 

masha tantu pa pensamentu i palabra

pa loke mi a hasi i a keda sin hasi,

(tur hende ta bati riba nan pechu)

pa mi kuloa, a mi kulpa

pa mi gran kulpa.

Pesei, mi ta roga La Birgen maria, 

tur Angel i Santu i boso, mi rumanan,

di resa pa mi na Señor, nos Dios.

Orashon na San Miguel Arkangel

San Miguel Arkangel,

defendé nos den bringamentu,

kontra maldat i engaño di diabel,

sea nos protekshon.

Pa Dios manda riba dje,

nos ta pidi humildemente;

Abo, Prínsipe di Ehérsito Selestial,

manda, ku poder dibino,

Satanas i otro mal spiritu,

ku ta rondia den mundu pa perdishon di

almanan.

Amèn